Saturday, April 15, 2017

Залгалттай хим модоо тайрав

Энэ жилийн хавар хийх тайралт маань арай л хожуу хийгдлээ. 2 сарын эхээр хийхэд өдийд 4 сарын дунд гэхэд навч мөчир олноор гараад, өнгө өнгөөр цэцэглээд гоё болчдог юм. Гэхдээ яахав.
Өвөл завгүй байсан тул тоотой хэдэн цэцгээ огт арчилсангүй зөнгөөр нь байлгав. Нар хардаггүй сүүдэрхэг харанхуй өрөөний цонхон дээр иймэрхүү сунасан байдалтай өвөлжлөө.
 2017-03-10
Юуны түрүүнд саваа томруулж, хөрсөө шинэчиллээ. Нилээн хүчтэй тайралт хийлээ. Залгалт хийсэн газрууд маань сунаж уургаснаас ишнээсээ хол зайтай болсон тул хүссэн хэлбэрт оруулж хамаагүй тайрч болсонгүй.

 

Хатсан мөчирнүүдийг сэрээхийн тулд халуун бүлээн усаар нилээн удаан шүршлээ. Модорхог хатуурсан мөчирнүүдийг дэвтээж норгосон гол зорилго: шинэ шинэ нахиа гаргаж улмаар халзан газруудыг шинэ мөчирнүүдээр битүүлээд, модны хэлбэрийг зөв болгох юм.

Энэнээс илүү тайрсан, эцсийн болгосон зурагаа авахаа мартжээ. :-)))

Үүний дараа гадуур нь гялгар уутаар битүү боогоод вакумдаад тавьлаа. Хэд хоноод нэг задалж агаар оруулж, усаар битүү шүршээд дахин боогоод тавьж байв.
2017-03-15

Хаврын уур амьсгал наашлаад, өглөөний нар 30 минут тусдаг болоод ирэнгүүт шинэ шинэ олон нахиа ургаад, навчлаад, одооноос хүчээ авч эхэлж байна.   
2017-04-15

Хоёр сард томилолтоор яваад ирэх хооронд харамсалтай нь мод маань хатаад, сүүлд хийсэн 3 залгаас нь хатсан байсан. Тиймээс энэ зундаа бид хоёр 4 өнгийн цэцгээр л гангарна даа. Долоон өөр цэцэг гарвал хачин гоё байх байсан байхдаа. Гэхдээ энэ зун шинэ аргаар 1-2 залгаас хийж үзнээ. 

Нүүрномын цэцгийн бүлгүүдээр цэцэгчин найзууд маань өөр өөр тасалгааны цэцгүүд дээр залгалт хийсэн туршлагуудаа тавьсан байхыг харсаан. Миний энэ модноос санаа аваад, даган сураад, илүү шинэлэг өөр өөр зүйлүүд хийж байгаад маш их баярлаж байна. Амжилт хүсъе. Жоохон цаг завтай болонгуутаа туршиж, оролдож үзнэ гэсэн санаа оноо байгаа. Хамтдаа хийнэ ээ. :-)))))

Бусад бичлэг:
Тайралт хийв 2017
Тайралт хийгээд хоёр сарын дараа 2016

Thursday, April 6, 2017

Кофены мод

Кофены мод буюу Coffea — жижгэвтэр мөнхийн ногоон мод/том бут. Кофены нийтдээ 50 гаруй зэрлэг төрөл Африк, Мадагаскар болон Маскарены арлуудад ургадаг. Харин Америк, Африк, Азид кофег олноор тарьдаг байна. Тасалгаанд ихэвчлэн арабика кофе тарьдаг ба либерийн болон бразилийн кофег гэрт ховор болов ч бас ургуулж болдог байна.
Арабика кофены мод гэрт хамгийн их ургуулдаг төрөл. Энэ мод зай их эзэлдэггүй. Эхний жил 15-20 см хүртэл ургадаг. Цаашид сайн арчилбал 1,5 м хүрдэг. Цэцэглэдэг улирал 5, 6, 7 сарууд. Анхилуун үнэртэй цэцэгнүүд хэд хэдээрээ багцалдаг. Үнэр нь жасминтай адилхан
АРЧИЛГАА
Гэрэл
Кофены мод гэрэлсэг ургамал. Хагас сүүдэрхэг газар ургаж чаддаг. Зун харин тагт, сүүдрэвч гээд гадаа агаарт гаргасан нь дээр байдаг. Шууд нар тусахааргүй нөмөр, тод гэрэлтэй газар байрлуулна.
Өвөл нэмэлт гэрэлтүүлэг гаргаж өгөөрэй. Ургамлыг байн байн байршлыг нь солиод байхад дургуй. Ургалт зогсох, навч унах, шарлах гээд өөрчлөлтүүд гардаг тул аль болох оролдохгүй байх нь дээр.
Ихэнхидээ хүмүүс кофены модыг халуун орноос гаралтай тул бүтэн жил нарны тусгал хэрэгтэй гэж боддог. Жинхэндээ энэ нь ташаа ойлголт юм. Манай нөхцөлд кофены модыг урагшаа, зүүн урагшаа харсан цонхон дээр ургуулна. Өвөл, эсвэл бүрэнхий бороотой өдрүүдэд гэрлээр хангах хэцүү байдаг. Үүний тулд 11 сарын 1-нээс 3 сарын 1 хүртэл өдрийн гэрэл доор тавьж нэмэлт гэрэл гаргаж өгнө.
Хэт тод гэрэл ургалтыг зогсоодог тал байдаг тул 2 нас хүртэл нь сарниулсан гэрэл дор байлгах хэрэгтэй. Цэцгийн бундуу цухуйж эхлэнгүүт хамгийн нартай цонхон дээрээ тавьна. Цэцэглэлт дуусаад, жимс бий болох үед буцаагаад сарниулсан гэрэл дор тавьна.
Агаарын хэм
Кофе - дулаанд дуртай. Зун тасалгааны хэмд ургадаг (+22-25°С). Намар болон өвөл дулаан газар байрлуулна (+18—22°С). Өвөл тасалгааны хэмийг +16°С -ээс доош бууруулж болохгүй. 
Цэцэглэлт
Усалгаа
Усалгааг хөрс хатсан тохиолдолд хийж байна. Крантны усыг хэд хоног задгай саванд хонуулж хлоргүй болгосон, зөөлрүүлсэн жаваргүй бүлээн усаар услана. Өрөөний температураас 2 хэм бүлээн усаар услаж байна. 
Зуны халуунд айх зүйл байхгүй. Өрөөндөө салхи агаар оруулж, усалгааг 2 дахин ихэсгэх хэрэгтэй.
Сайн ургуулах нэг чухал нөхцөл бол - халуун дулаан удиралд сайн услаж байх. Өвөл усалгааг багасгаад, тохируулж бага багаар хийж байна.
Тасалгаанд ургуулдаг бусад жимсний модыг бодвол кофены модыг хөрс хагас хатсан тохиолдолд дараагийн усалгааг хийдэг. Идэвхитэй ургалт үед хүртэл энэ зарчимыг баримтлах нь дээр байдаг.

Жимслэлт
Агаарын чийгшил
Чийглэг агаартай газар илүү хурдан ургадаг. Тиймээс зуны халуунд өдөрт 2-3 удаа жаваргүй зөөлрүүлсэн усаар шүршдэг.
Кофе ургуулдаг хүмүүс навч борлоод байна гэж ярьдаг. Агаарын чийг бага, намар өвлийн улиралд бүүр хуурайшдаг тул навч борлох нь улам ихэсдэг. Гэхдээ энэ бол өвчин биш. Хажууд нь агаар чийгшүүлэгч ажиллуулах, эсвэл доор нь устай том сав байрлуулвал навчны өнгө сэргэдэг байна. 
Кофены мод өвөл
Кофены модыг өвөл 5-7 хоноод нэг усладаг. Тасалгааны хэм +16-18°C байх бөгөөд +16°C хэмээс доош буулгаж болохгүй.
Бордоо
Кофены модонд мэдэгдэхүйц амралт үе гэж байдаггүй. Иймд бүтэн жилийн турш ургуулж, цэцэглүүлж, жимслүүлэх бол 10 хоногт нэг удаа бордож байна: сар бүрийн 1, 10, 20 -ны өдрүүдэд 5г азот, 7г фосфор, 1г калий, 7г микроэлементуудыг 1 литр усанд найруулж хэрэглэнэ.
Азотын бордоог шувууны сангас усанд найруулж, эстэл нь байлгаж байгаад хэрэглэдэг. Тэгвэл хурц эвгүй үнэр гарахгүй, мөн хийн бөмбөлгүүд дээш хөвөхгүй (бүх органик бүрэн задарсан гэсэн үг). Хэрэглэхдээ 3 удаа усаар шингэлж услана. Тахианы сангас нь маш хүчтэй азот агуулсан органик бордоо. Иймээс болгоомжтой хэрэглэх хэрэгтэй.
Калийн бордоог үнснээс гаргаж авч болно. Үүний тулд дэрс шатаагаад, үнсийг нь (46% калий агуулдаг) бүлээн усанд уусгаад нэг хонуулаад хэрэглэхэд бэлэн болно.
Кофены модонд үүнээс гадна бусад бодис хэрэгтэй (кальций, бор, марганц, төмөр).
Шилжүүлэн суулгалт
2-3 жилд нэг удаа шилжүүлж суулгадаг. Хөрс тэжээллэг хар шороо-шаварлаг ширгэн хөрс, навчин хөрс, ялзмаг, элс (4:2:1:1 гэсэн харьцаатай авна).
Урдах савнаасаа 3 см том сав авч суулгана. Арабика кофены үндэс маш сайн ургаж хөгждөг тул гүнзгий сав хэрэг болдог. Өндөр гүнзгий сав сонгож аваарай. Суулгахдаа үндэсний хоолойг хэт гүн булж болохгүй. Хэт гүн суулгавал ургалт гацдаг, зогсонги байдалд ороод ургахгүй.
Жимслэж эхэлсэн бол шилжүүлэн суулгалтыг 3 - 5 жилд нэг удаа хийдэг. Жимсэлдэг модыг ургац хураасны дараа том саванд шилжүүлж суулгана. Хүлээх хэрэггүй, учир нь 1-1,5 сарын дараа дараагийн цэцэглэлт эхэлдэг юм.
  
Үржүүлэг хийх арга
Үрээр үржүүлж болдог. Гэхдээ ихэвчлэн мөчирний хэсгээр үрслүүлэх нь амар байдаг. Мөчир үндэслэх тааламжтай орчин – +30°С байна. Үрсэлгээ хийх хамгийн тохиромжтой улирал хавар - зуны эхэн сар.
Үрслүүлэхэд тохиромжтой мөчирний хэсэг
Мөчрөөр үрслүүлж ургуулсан кофе үрээр суулгасан кофеноос хамаагүй хурдан бөгөөд илүү урагадаг. Үрсэлгээнд мөчирний дээд үзүүрийг тасдаж авдаг. Мөчир нь дээрээ хоёр хос навчтай байх ёстой. Доод үзүүрийг ташуу тайрна. Доод хос навчнаас 2 см доогуур тайрна. Хөрс: 2 хэсэг голын элс, 1 хэсэг навин хөрс.
Усанд үндэслүүлэх бол усандаа модны нүүрсний хэдтэрхий хийвэл илжрүүлэхгүй, ус муутгахгүй. Усаа 7-10 хоноод сольж байгаарай.
 
Иймэрхүү маягаар вакумдна
Хурдан үндэслүүлэхийн тулд суулгахын өмнө доод үзүүрийг үндэслэгчид 5—8 цаг дүрнэ. Үрсэлгээг илжрүүлэхгүйн тулд модны үнсэнд дүрнэ. Дараа нь доод 2 хос навч хүртэл хөрсөнд цэвэрхэн зооно. Үүний дараа дээгүүр нь шилэн стаканаар таглана. Сарын дараа зүсэлт хийсэн газар үндэс гарах каллюс үүсдэг. Дахин 1-1,5 сарын дараа үндэс ургана.
Кофены модны арчилгаа нь тасалгааны нөхцөлд нимбэгний модтой адилхан. Үндэслэсэн үрсэлгээг 9—12 см диаметртэй саванд суулгана. Савны ёроолд 1 —1,5 см том ширхэгт голын элс хийнэ. Хөрс: 2 хэсэг хүлэмжийн хөрс, 1 хэсэг ширгэн хөрс, 1 хэсэг угаасан голын элс. Хөрсөнд навчит модны үнс нэмвэл сайн байдаг. Энэ нь калийн дутагдлаас сэргийлдэг. Гүн суулгах хэрэггүй. Үндэсний хоолой илжрээд, үрсэлгээ үхэх магадлалтай. Үндэс савтай хөрсийг бүхэлд бүрээд урагхад 2-3 см том саванд шилжүүлж суулгана.
 
Залуухан модны иш хатуурч, модорч байгаа нь сонин байдаг. Ногоон иш эхлээд бор толбонуудтай болно, энэ нь гоё, үзэмжтэй харагддаггүй. Хэрэв нимбэгний модон дээр ийм толбо үүсвэл энэ мод үхдэг. Кофены модонд бор улаан толбонууд нь томорсоор сүүлдээ нийлээд, дараа нь цайрч цайвар шаргал өнгийн мод болдог.
Эхний 3 жил хавар болгон шилжүүлж суулгана. Харин том модыг 2—3 жилд нэг удаа. Хөгшин модны савыг шилжүүлж суулгах бүрдээ савыг 5—6 см томруулдаг. Бүүр томорсон модыг модон (гацуур модоор хийсэн) саванд суулгавал илүү дээр байдаг байна. Модон савныхаа доторхыг паяльникаар шатаана. Ингэхэд мод удаан задардаг байна.
Кофены модны мөчирийг тайрч "титэм" үүсгэх хэрэггүй. Суулгац эхний жил дээш тэмүүлж ургаж байснаа, хоёр дахь жилээс хажуугийн мөчирнүүд ургаж эхэлдэг. Энэ нь гол арга болсон мөчирнүүд байдаг. Бүтэц нь гацуур модтой төстэй. Харин энэ мөчирнүүдийг ургахад нь тайрч богиносгож дахин салаалуудаг.
  
Гурав дахь жилээс навчны ёроолоос ногоон "сахал" ургаж эхэлдэг. Үүнийг мөчир гарч ирж байна гэж андуурдаг. Хэд хоногоос энэ сахалны үзүүр цайраад цагаардаг байна. Энэ бол цэцгийн бундуу гарч ирж байгаа нь.
Ойролцоогоор сарын дараа бундуу дэлгэрдэг. Цэцэглэлт маш богинохон: 1 — 2 хоногийн дараа гандаад унадаг. Цэцэгний иш угнаасаа эхэлж зузаарч бүдүүрнэ. Ингээд бүдүүрсээр ирээдүйн жимсний уг болно.
Тасалгаанд ургуулахад өвөл хүртэл л цэцэг гарч ирээд байдаг. Гэрийн нөхцөлд кофены жимс лимон, мандаринтай адил 6-8 сар боловсордог. Жимс нь эхлээд ногоон өнгөтэй байна. Дараа нь хавар тийш цагаавтар болж хувирна. Дараа нь улаардаг. Энэ нь боловсорч дуусаж байгаагийн дохио. Гурван настай модон дээр 70—90 жимс ургадаг. Өөрөөр хэлбэл энэ нь 140—180 үр гэсэн үг. 
Нодлин жилийн навчны доороос 2-15 цэцэг гарна. Цэцэцглэлт заримдаа 8 сар хүртэл үргэлжилдэг. Жимс заримдаа бүтэн жил боловсорч ургадаг ч тохиолдол бий. Сайн арчилбал тасалгаанд ургуулсан нэг том модноос нэг жилд 1 кг жимс хурааж авч болдог.
Цонхон дээр ургуулж байгаа мод нэг талтай, далий бөөртэй болж ургадаг. Тэгш модтой болохын тулд цэцэгчид модыг байнга эргүүлж байдаг. Энэ нь ургацанд муугаар нөлөөлдөг.
Жимслэлтийг түргэтгэхийн тулд хавар-зуны улиралд залгалт хийж өгөх хэрэгтэй.
Жимсийг түүгээд кофе чанаж ууж болно. Үүний тулд үрийг хальснаас нь цэвэрлээд, халуун шүүгээнд - "духовканд" 70—80 хэмд хатаана, дараа нь 10 хоног ил задгай, цаасан дээр дэлгэж хатаана.
Үүнийхээ дараа хайруулын тавганд хийж наран цэцгийн самар хуурдаг шиг хуурна. Хуурсны дараа өнгө нь бор улаан өнгөтэй болно. Үүний дараа та өөрийн дураар чанаж ууж болно. Өөрийн ургуулсан кофег чанаж уухдаа анхаарах нэг зйүл байдаг: дэлгүүрийн кофег бодвол таны ургуулсан үрэнд кофеины агууламж маш өндөр, 3-4 дахин их байгаа. Зүрхний өвчтэй хүмүүс ийм кофе уух хэрэггүй шүү.
Гэхдээ зөвхөн кофе чанаж уух гэж кофены мод ургуулах бол бас тийм ч их үр өгөөжтэй ажил биш юм.
Гарч болох хүндрэлүүд
Навчны захаар харлаад байвал: шалтгаан нь хэтэрхий хүйтэн агаар. Дулаан газар шилжүүлж байрлуул.
Навч, нахиа үхээд байвал: шалтгаан нь хөрс хатаад байна. Усалгаа хийхдээ арай ахиу ус хийж бай.
Навч шарлаад унаад байвал: шалтгаан нь аалзан хачиганд баригдсан. Урьчилан сэргийлэх үүднээс байнга усаар шүршиж бай. Нэгэнт үржсэн бол дариу хор хэрэглэх хэрэгтэй. 
Навчны өнгө бүдгэрч, хатаж унаад байвал: шалтгаан нь - хуурай агаар.
Үүнээс гадна төрөл бүрийн хорхой шавьжинд баригдаж болно: ширх, хачиг, өт, г.м.
Гавчны өнгө алдагдах, цайрах, гандах нь хөрсний рН таараагүй бол болдог. Хөрс бага зэрэг хүчиллэг байх ёстой.
Кофены модыг +10-15°С-ээс доош агаарын хэмтэй газар байлгавал өвчилнө.
Нарны хурц халуун тусгал нь түлэгдүүлдэг – навчны үзүүр болон ирмэгээр бор, хуурай улаан толбо үүснэ.
Агаарын чийг 50%-аас доош байвал навч хумигдаад, элдэв хорхой шавьжинд өртөхдөө амархан болно. 
Хөрсний чийг ихэдвэл үндэс илжирнэ.
Гал тогооны өрөөндөө 8 жил ургуулсан кофены модыг болон арчилгааны бусад зүйлийг орос хэл дээр үзнэ үү:
АНХААР!
Дахин сануулахад: Кофены мод байршил өөрчлөхийг даахдаа муу. 30-40 градус эргүүлсэн ч үүнийг их эмзэг хүлээж авдаг. Навчаа гөвөх, цэцэглэлт гацах зэрэг зүйлүүд болно. Иймээс хамаагүй ойр ойрхон оролдож болохгүй!

Sunday, April 2, 2017

Каладиум (Caladium)

Каладиум (Caladium) нь Ароидын (Araceae) овогт ордог нийт 15 төрөл ургамал. Бразилийн Амазонка мөрний эргээр ургадаг. Каладиум гэх нэр нь малай хэлнээс «heladi» - «иддэг үндэстэй ургамал» гэж орчуулагдна. Чийгтэй халуун ширэнгэнд 5 метр өндөр ургадаг, том далбагар навчны доор нь хүмүүс борооноос нуугддаг гэнэ.
Каладийум нь өвсөрхөг ороож ургадаг навчаар гоёдог ургамал. Навч төрөл бүрийн өнгө, толбо, хээтэй, үнэн үзэсгэлэнтэй харагдуулдаг бол цэцэг нь царай муутай. Цайвар ногоон нөмрөгтэй годон шиг цэцэгтэй. Алаг эрээн ганган навч нь гэхдээ дандаа ийм байдаггүй. Хавраас - намар хүртэл ингэж гангарч төрөл бүрийн өнгөтэй солонгорж байгаад амардаг.
Каладиум – булцуут ургамал. Жилд үндсэн хоёр үе шаттай - идэвхитэй ургалт үе болон амралт үе. Өвөл амралт үедээ ордог. Энэ үед навч хатаж унаад, хавар хүртэл унтна.
Каладиум "Pink Beauty"
Тасалгааны каладиумууд бол гибридууд, эдгээрийг Шомбургийн каладиум болон Гумбольдтын каладиум, мөн хоёр өнгөт гэсэн төрлүүдээс гаргаж авсан юм. Гибрид түс бүр өөр өөрийн онцлогтой, өөрийн гэсэн тусгай навчин хээ, зурагтай. Навчны хээ, угалз, өнгөний эрээн алгаараа навчин хайтантай өрсөлдөхөөр ганган.
Каладиум гэхдээ ааштай цэцгийн тоонд ордог. Учир нь үүнийг амралт үеээс сэрээх хэцүү байдаг.
ТӨРӨЛ
Гумбольдтын Каладиум
Каладиум Гумбольдтын (Caladium humboldtii Scaott) буюу өөр нэг нэр нь: Каладиум аргинтес (Caladium argyntes), Каладиум мириостигма (Caladium myriostigma), Каладиум Гумбольтын нэгэн өөр хэлбэр болох мириостигма (Caladium humboldtii var. myriostigma). Бразилийн чийглэг ширэнгэн ойд ургадаг булцуут, ишгүй ургамал. Навчны урт 7—10 см, өргөн 5 см, бараан ногоон өнгөтэй, мөнгөн хээ толботой. Цэцэг үзэмж муутай, 3-4 сард цэцэглэдэг.
Хоёр өнгөт Каладиум
Каладиум хоёр өнгөт (Caladium bicolor) буюу өөр нэг нэр нь Арум хоёр өнгөт (Arum bicolor Aiton). Бразилийн уулархаг хэсэгт, мөн Их ба Бага Антийн арлуудаар ургадаг. Өвсөрхөг, ишгүй, 10—12 см диаметртай булцуутай ургамал. Навч том 30 см урт, 15 см өргөн урт чанга бариултай, бүх төрлийн өнгө хээ зурагтай. Цэцэг шар өнгөтэй, үзэмж муутай, 2-3 сард цэцэглэдэг.
Хоёр өнгөт Каладиум 'Candidum'
Каладиум Шомбургийн (Caladium schomburgkii Schott) Бразили, Гвианы ширэнгэнд ургадаг. Навч 10—15 см урт, 7—12 см өргөн, дээд тал нь улаан, мөнгөлөг судалтай, доод тал нь цайвар. Маш олон өөр өөр төрлүүдтэй.
Цэцэрлэгийн Каладиум
Маш олон тооны гибрид сортуудыг Цэцэрлэгийн Каладиум (Caladium hortulanum) гэж нэгтгэсэн байдаг. Мөн олон төрөл байдаг.
- «Seagull» — ногоон навчтай, судал хоорондын зай цагаан,
- «Pink Blush» — навч бараавтар ягаан эсвэл бараавтар улаан-ногоон,
- «John Pul» — улаан-ногоон навчтай.
Каладиум 'White Christmas'
АРЧИЛГАА
Гэрэл

Каладиум сүүдэрт ургаж чаддаг, гэхдээ навчны алаг эрээн гоё зурагийг хадгалхын тулд тод сарнисан гэрэлд тавих хэрэгтэй. Хамгийн тохирсон цонх - баруун хойд, зүүн хойд зүгрүү харсан цонхны тавцан.
Каладиум 'Scarlet Pimpernelle'
Агаарын хэм
Ургалт үед +20°C хэмээс буулгаж болохгүй. Хамгийн тохирсон агаарын дулаан бол 22-25°C. Амралт үедээ бүрэн ордог (бүх навчаа гөвдөг) тул намар болон өвөл булцууг + 16-18°C хэмд хадгална.
Каладиум 'Saint Keverne'
Агаарын чийгшил
Агаарын чийгшил өндөр байх ёстой 70%. Хуурай агаар муугаар нөлөөлдөг. Зарим тохиолдолд ургамал үхэж болох тул тойруулаад устай сав тавих, агаар чийгшүүлэгч ажиллуулах гэх мэт арга хэмжээ авна. Навчинд ус хүргэж болохгүй. Навчны үзэмжинд муугаар нөлөөлдөг (бор улаан толбо үүсэх, г.м.)
Каладиум 'Rosalie'
Усалгаа
Каладиумыг ургалт үед нь сайн, жигд, тогтмол услаж байна. Ус зөөлөн (хэдэн өдөр задгай саванд байлгаж хлоргүйжүүлсэн), жаваргүй, өрөөний хэмтэй байх ёстой. Хөрсний өнгөн үе хатахад дараагийн усалгааг хийнэ. Хөрс бүүр хатааж болохгүй. Том далбаасан навчнууд маш их ус ууршуулж алга болгодог.
Ургалт үед ойр орчны агаарлуу ус манантуулж шүрших сайн. 8 сарын сүүл 9 сарын эхээр усалгааг аажмаар цөөрүүлж багасгасаар навчнуудыг хатааж унагана. Үүний дараа усалгааг бүрмөсөн зогсооно.
Булцуу хатаж үрчийхээс сэргийлж амралт үед хаяа нэг хөрс чийглэж байна. Булцууг шилжүүлж суулгасны дараа усалгааг маш болгоомжтой, бага багаар эхэлж хийнэ. Навч ургах тусам усалгааг ихэсгэнэ.
Каладиум 'Carolyn Whorton'
Бордоо
Нахиа ургаад навч гарангуут бордож эхэлнэ. Бордоог 8 сарын эхэн хүртэл хийнэ. Долоо хоногт нэг удаа бүрэн минерал бордоо: азот, фосфор, калий ижил хэмжээгээр агуулсан байх хэрэгтэй. 8 сард зогсооно.
Амралт үе
Хүйтэн улиралд амардаг тул зуны сүүл - намрын эхээр усалгааг багасгасаар яваандаа бүүр зогсооно. Өвөл булцууг савтай хөрсөнд нь хадгалдаг. Хадгалах орчин +18°C хэмээс сэрүүн байж болохгүй, таарах хэм +20°C.
2 сард, эсвэл хавар булцууг гаргаж аваад, хуучин хатсан үндэс, мөчирний үлдэгдэл зэргээс цэвэрлээд, шинэ хөрсөнд суулгадаг. Зөөлөн, жаваргүй усаар болгоомжтой тохируулж бага багаар услана. Хэд хоноод үндэс шинээр ургаж, дээшээ нахиа цухуйна. Нахиа гарангуут усалгааг ихэсгэнэ. Навч томрох тусам сайн услаж эхэлнэ.
Хөрс
Дараах бүтэцтэй хөрс тохирдог: ялзмаг — 1 хэсэг, навчин хөрс — 1 хэсэг, хүлэрт хөрс — 1 хэсэг, элс — 1/2 хэсэг, pH = 6.
Каладиум 'Pink Cloud'
Шилжүүлэн суулгалт
Каладиумыг жил бүр амралт үеийн дараа шилжүүлж суулгадаг.
3-4 саруудад шилжүүлэн суулгалтыг хийнэ. Нэг саванд нэг л үндэст булцуу суулгана. Хэрэв хэт жижиг хэмжээтэй булцуу бол хоёроор нь нэг саванд суулгаж болно. Сав сонгохдоо булцууны хэмжээнээс шалтгаалж шилж авна. Булцууны захаас савны хана хүртэл аль аль тйишээ 4 см байхаар зайтай сав авна. Жижиг булцуунуудыг нэг саванд суулгахдаа хооронд нь зайтай суулгана. Булцуу томорч өсдөг тул зай сайн гаргаж өгөх хэрэгтэй. Савны ёроолд заавал дренаж хийнэ.. Дээрээс нь хөрсөө хийгээд, булцуугаа байрлуулна. Булцууны товгор, нахиа гарах талыг дээш харуулж суулгана. Дээгүүр нь хөрсөөр хөнгхөн булна. Нахиа гарах үзүүр харагдаж байхаар булна. Эхний нахиа цухуйгаад ирэхлээр булцуугаа хөрсөөр бага зэрэг нэмж булна. Хэрэв булцуу нь нахиа гарах шөвгөр үзүүрүүд гараагүй, аль талаар нь суулгах нь мэдэгдэхгүй бол хөрсөөр хучих хэрэггүй. Хүлэмжинд 2-3 долоо хоног тавьхад удалгүй булцуу сэрээд ягаан - усаан товгор соёо гарна. Үүний дараа зөв талаар нь дээш харуулж тавиад суулгаарай.
Суулгасны дараа хамгийн чухал анхаарах зүйл бол - дааруулж болохгүй, хэт услаж болохгүй. Хөрсний дулаан +25°С байна. Усалгааг маш бага, тааруулж услаж байна. Үндэс ургаж амжаагүй, навч гараагүй тул ус бага зарцуулагдна.
Хэрэв булцууг үехэн, ил суулгавал олон зулзага гаргадаг. Гэхдээ энэ нь дээрх навч, мөчирт муугаар нөлөөлж болдог - навч жижигхэн хэмжээтэй, үзэмж муутай байж болно. Иймээс хэрэв үржүүлэхээр суулгах бол булцуугаа хэт булж болохгүй, хэрэв навч харж нүдээ баясгах зорилготой бол булцуугаа сайн булах хэрэгтэй байна.
Каладиум 'Pink Cloud'
Үрслүүлэх арга
Зулзаган булцуугаар, мөн том хэмжээтэй эх булцууг хувааж үржүүлж болдог. Булцууг хуваахдаа цэвэр хурц хутгаар хэдэн хэсэг болгоно.
 
Хэсэг бүр дээрээ нэгээс дээш ургах цэгтэй байх ёстой. Зүсэлт хийсэн газруудыг модны нүүрсний нунтагаар түрхээд хатаана. Хүлэрт хөрс, элсний холимогт суулгана. Савтай булцуугаа гэрэлтэй, тогтмол дулаантай +22—24°C газар байрлуулна.

Каладиумыг мөн үрээр тарьж ургуулдаг. Үрээр үржүүлэхэд сортын онцлогууд хадгалагддаггүй. Эх цэцгээсээ өөр өнгө туяа, хээ зурагтай навчтай ургамал гарч болно. Каладиумын үрийг дэлгүүрээс худалдаж авч болно. 
 
Хүсвэл өөрөө тоос хүртээж үр гаргаж авч болно. Каладиум амархан цэцэглэдэг, амжилттай тоос хүртээвэл үр тогтож, боловсорч ирнэ. 
Үр 2 сар боловсорч ургадаг. Үүнийг шууд шинээр нь хөрсөнд суулгадаг. Хөрс навчин болон элстэй (4:1) байна. Үрний хэмжээтэй дүйцэх гүнд суулгадаг. Савны доор зузаан дренаж хийвэл ургамал илүү хурдан бгөөд эрүүл ургадаг байна.
Үр задарч соёолохын тулд нилээн дулаан орчин хэрэг болно. Дээгүүр нь вакумдна. Агаарын хэмийг +25°C (хамгийн тааламжтай нь +30°C) байхаар тохируулна. Байлгаж байгаа дулаанаас хамаараад 2-3 долоо хоногийн дараа соёолдог. 
Услахдаа шүршиж байх нь дээр. Эхний удаа фундазолын уусмалаар шүршихэд гэмгүй. өдөрт 2 удаа нээж агаар оруулж байна. Үрсэлгээг 2 удаа салгаж тусгаарлана. Намар гэхэд багавтар булцуу үүссэн байдаг.
Каладиум 'Florida Cardinal'
Өвчлөлт болон хорхой шавьж
Булцуут үндэс амархан хөгц ургана: фузариоз (Fusarium oxysporum) болон нойтон бактерийн илжрэлт (Erwinia carotovora)-д өртдөг. Үүнээс сэргийлэхийн тулд амраад дууссан булцууг шинэ хөрсөнд суулгахын өмнө хуурай нунтаг фунгицид хороор түрхэдэг.
Навч олон шалтгаанаас болж шарладаг. Хамгийн түгээмэл шалтгаан – фитофтора, үүнийг фунгицид бодисоор устгана.
Булцуу илжирэх. Навч ургаагүй байхад булцуу их эмзэг байдаг. Иймд хөрсний чийг болон агаарын хэмийг дээр бичсэн дагуу хийж байх хэрэгтэй.
Навч шарлаад хатаад байна. Каладиум — амралт үед ордог ургамал. Намар навч бүгд хатаж унана. Булцууг хавар хүртэл тасалгааны хэмд хадгална.
Навчин дээр бор толбонууд үүсээд байна - навчин дээр усны дусал үлдээгээд байвал маш амархан мөөг үржиж толбо үүсдэг. Иймээс орчны агаарлуу ус шүршиж чийгшэлтийг ихэсгэнэ. Эсвэл маш нарийн манан шиг шүршдэг шүршигч хэрэглээрэй. Толботой болсон навчийг тайрч хаях хэрэгтэй.
Навч захаараа хатаад байна. Хэт халуунд, эсвэл нарны шууд гэрэлд түлэгддэг. Мөн хэт их бордсон бол навчны ирмэг хатна.
Доод навчнууд хатаад байна - дутуу усласнаас.
Каладиум бөөс, гурилан өт, аалзан хачиг зэрэгт баригддаг. Хор цацаж устгана.
Caladium  "Frieda Hemple"
http://greenhome.org.ua/